close
ياسين العياري يفجرها في وجه عماد الحمامي بعد فضيحة إعترافه بمبلغ 400 مليار كخسائر جراء وقف ضخ البترول ل10 أيام فقط

ياسين العياري يفجرها في وجه عماد الحمامي بعد فضيحة إعترافه بمبلغ 400 مليار كخسائر جراء وقف ضخ البترول ل10 أيام فقط

ياسين العياري يفجرها في وجه عماد الحمامي بعد فضيحة إعترافه بمبلغ 400 مليار كخسائر جراء وقف ضخ البترول ل10 أيام فقط



كتب المدون ياسين العياري منشورا على صفحته على موقع فيسبوك و تهكم على وزير التشغيل عماد الحمامي بعد اعترافه اخيرا بمبلغ 400 مليار كخسائر جراء وقف ضخ البترول.
 حجم المبلغ المعلن كشف فعليا انو تونس هي دولة نفطية فعلا و أضاف ياسين العياري
عندنا حكومة تنجم تقدر الخسائر في توقف الإنتاج في حاجة ما عندناش خاطرنا جايين في هبطة، و ما تنجمش تقدر المرابيح خاطر موش مركبة عدادات.
 موش مشكل يا الحمامي، خلصهم مادة شخمة.. و الا ماك مستانس بالكذب، كيما قلت شهيد الكامور دهسوه صحابه، جماعة البترول قوللهم إنتوما سكرتوا الإنتاج على رواحكم! شوطة بالصبع
de plus ou de moins
لن تغير شيئا يعني!
400 مليار متع عشرة أيام من حقل واحد.. نحن أغنى مما كنا نعتقد إن صدق و هو كذوب!
ثم يا حمامي يا رجل الدولة.. لو خصصت 100 مليار تنمية لتطاوين منذ شهرين.. موش راك رابح 3000 مليار تو؟ أ ترى كم انت و دولتك بهايم؟ أترى أن بهامتك خسرتك في المليارات موش الكامور؟ و كيف لمثلك أن يرى؟
 يا عزيز أمك، ربما كان كلفت روحك و عاودت هبطتلهم ما بقيتش في بيروك المكيف الي ثمن تكييفه يخلصوا فيه المواطنين من ضرائبهم، راك لقيت حل، أما تطاوين بعيدة عليك و زيد حتى كان الكرهبة مكيفة انت عندك ما أهم : بعض الطحين لسيدك الباجي الي إعتبرك يكثر خيره و بعد مجهودات كبرى مواطن كبقية المواطنين.
 ما أذلك، و ما أذل قيادات حزبك : مزال يهبط عليكم الذل شكاير بما إقترفت أيديكم : صارلكم كمن يسرق من مال أبيه و يعطي للصوص، لا أبوه يسامحه و لا اللصوص يراوله بيه.
 توقف الإنتاج سببه انت و حكومتك و رئيسك و كتلتك النيابة و كتلة أسيادكم : أزمتم الوضع و لم تتحركوا لشهرين، قتلتم الناس، فاشلون بلا حلول، تشرعون للفساد و السرقة، و ليس رجال الكامور : هؤلاء مواطنون رغما عنك و عن أسيادك و يمارسون مواطنتهم بلا إذن من أحد و هم منتصرون.
تريد حلا :
إيقاف آمر الحرس و الضباط المسؤولون على التدخل الدموي و سائق السيارة التي دهست الشهيد
مبادرة تشريعية لإعادة التفاوض في كل عقود موارد البلد
تركيب عدادات حالا
سحب قانون تبييض السراق
تخصيص 20 بالميا من عائدات النفط لتطاوين
 يعني أمور بسيطة : عدالة، شفافية، تطبيق للدستور، حوكمة رشيدة : أنت و حكومة الكاراكوزات متاعك، و من خلفها أحزاب النهش في لحمنا، أعجز من توفيرها على بديهيتها، ففيها نهايتكم، فأنتم كالعفن، لا تعيشون إلا على الخمج و السرقة و العمالة و الطحين، أنتم قبلتم مواطنين من عندهم بثمن نهش مواطنتنا و وطننا : خسرت تجارة و سائت منقلبا و أنتم مخزيون فاشلون.
كلنا عبد الله الكاموري!
 صحة شريبتكم و تقبل الله صومكم.

شارك الموضوع إذا أعجبك :